ملک بھر میں سونے کی قیمتوں میں آج پھر کمی

ملک بھر میں سونے کی قیمتوں میں ایک بار پھر کمی دیکھنے میں آئی ہے۔

سرکاری خبر رساں ادارے ’اے پی پی‘ کے مطابق سندھ صرافہ جیولرز ایسوسی ایشن نے بتایا کہ 24 قیراط فی تولہ سونا 700 روپے کی کمی کے بعد 2 لاکھ 75 ہزار 200 روپے پر دستیاب ہے۔

اسی طرح 24 قیراط 10 گرام سونا 600 روپے کمی کے بعد 2 لاکھ 35 ہزار 940 روپے پر پہنچ گیا، جبکہ 22 قیراط 10 گرام سونے کی قیمت کم ہو کر 2 لاکھ 16 ہزار 278 روپے ہوگئی۔

دوسری جانب چاندی کی قیمتیں مستحکم رہیں۔ فی تولہ چاندی 3 ہزار 400 روپے اور 10 گرام چاندی 2 ہزار 914 روپے پر برقرار ہے۔

عالمی مارکیٹ میں بھی سونے کی قیمت میں کمی کا رجحان رہا، جہاں فی اونس سونا 7 ڈالر کمی کے بعد 2 ہزار 640 ڈالر پر آگیا۔