زمبابوے کیخلاف میچ میں پاکستان کا ٹاس جیت کر بیٹنگ کا فیصلہ

پاکستان نے زمبابوے کے خلاف تیسرے اور فیصلہ کن ایک روزہ میچ میں ٹاس جیت کر پہلے بیٹنگ کرنے کا انتخاب کیا ہے۔

بلاوایو میں جاری میچ کے دوران کپتان محمد رضوان نے ٹاس جیت کر کہا کہ ان کی حکمت عملی بڑا اسکور کرنے اور حریف ٹیم کو دباؤ میں لانے کی ہوگی۔

قومی ٹیم نے تیسرے میچ کے لیے کوئی تبدیلی نہیں کی اور دوسرے میچ کی ہی ٹیم میدان میں اتاری ہے۔

یاد رہے کہ تین میچز پر مشتمل سیریز اس وقت 1-1 سے برابر ہے، جس کی وجہ سے یہ میچ دونوں ٹیموں کے لیے فیصلہ کن حیثیت رکھتا ہے۔