چنئی: بھارتی فلم انڈسٹری کے لیجنڈری اداکار رجنی کانت کی صحت میں بہتری آئی ہے۔ چند روز قبل دل اور معدے کی تکلیف کے باعث ہسپتال میں داخل کرائے گئے رجنی کانت کو اب دو دن بعد اسپتال سے ڈسچارج کر دیا جائے گا۔
ہسپتال انتظامیہ کے مطابق اداکار کے دل کی ایک اہم شریان میں سوجن تھی جس کا علاج غیر سرجیکل طریقے سے کیا گیا ہے۔ اب اداکار کی طبیعت بالکل ٹھیک ہے اور وہ جلد ہی اپنے گھر واپس چلے جائیں گے۔
رجنی کانت کی بیماری کی خبر سامنے آنے پر ان کے لاکھوں مداحوں میں تشویش کی لہر دوڑ گئی تھی۔ اداکار کی صحت یابی کی خبر سن کر ان کے مداحوں نے سوشل میڈیا پر خوشی کا اظہار کیا ہے۔
واضح رہے کہ رجنی کانت حال ہی میں دو فلموں کی شوٹنگ میں مصروف تھے۔ ان کی اچانک بیمار ہونے کی وجہ سے ان کی فلموں کی شوٹنگ بھی متاثر ہوئی تھی۔
