کروڑ پتی شخص کا تمام دولت گھر والوں کے بجائے نوجوان کو دینے کا فیصلہ
تائیوان کے ایک 63 سالہ کروڑ پتی نے اپنی تمام دولت 94 لاکھ امریکی ڈالرز ایک 19 سالہ نوجوان کو سونپنے کا حیران کن اعلان کیا ہے۔
سن ڈریورنگ نامی یہ کروڑ پتی مثانے کے کینسر سے متاثر ہیں اور انہوں نے اپنی زندگی کے آخری ایام میں ایک یوٹیوبر زینگ شاؤن کو اپنا وارث قرار دیا ہے۔
سن ڈریورنگ نے ایک ویڈیو میں کہا کہ وہ زینگ شاؤن کو اپنا بیٹا سمجھتے ہیں اور چاہتے ہیں کہ وہ ان کی زندگی کے آخری لمحات میں ان کی نگہداشت کرے۔ اس کے بدلے میں وہ اپنی تمام دولت زینگ شاؤن کو دے دیں گے۔
یہ فیصلہ اس وقت سامنے آیا جب زینگ شاؤن نے ایک ویڈیو میں سن ڈریورنگ سے پوچھا کہ کیا وہ ان کا بیٹا بننے کے لیے تیار ہیں۔ زینگ شاؤن نے بتایا کہ وہ طویل عرصے سے سن ڈریورنگ کو اپنے باپ کی طرح مانتے ہیں۔
سن ڈریورنگ کے اس فیصلے پر زینگ شاؤن بہت خوش ہوا اور اس نے کہا کہ وہ اس دولت کا اچھا استعمال کرے گا۔
سن ڈریورنگ نے اپنے اس فیصلے کی وجہ بتاتے ہوئے کہا کہ وہ اپنے خاندان کی بجائے اس شخص کو اپنی دولت دینا چاہتے ہیں جس نے ان کی زندگی کے مشکل وقت میں ان کا ساتھ دیا ہے۔
تاہم اس فیصلے پر سن ڈریورنگ کے خاندان کا ردعمل ابھی تک سامنے نہیں آیا ہے۔
