شہری نے انٹرن شپ ادھوری چھوڑی کراپنی AI کمپنی کھڑی کر لی
بنگلور: بھارت کے IT شہر بنگلورو سے ایک دلچسپ واقعہ سامنے آیا ہے جہاں ایک انٹرن نے اپنی انٹرنشپ ادھوری چھوڑ کر اپنی ایک AI کمپنی شروع کر دی ہے۔ اس واقعے نے سوشل میڈیا پر کافی ہلچل مچا دی ہے۔
ایک ٹیک فرم فلیکسپل کے سی ای او کارتک سریدھرن نے اس واقعے کا ذکر ایکس (سابقہ ٹوئٹر) پر کیا۔ انہوں نے اپنے اور انٹرن کے درمیان ہونے والی واٹس ایپ چٹ کے اسکرین شاٹس شیئر کیے جس میں انٹرن نے اپنی غیر موجودگی کی وجہ ایک انویسٹر سے ملاقات بتائی۔ بعد میں انٹرن نے انہیں بتایا کہ اس نے اپنی نئی AI کمپنی کے لیے فنڈنگ حاصل کر لی ہے اور اب اسے انٹرنشپ کی ضرورت نہیں ہے۔
ورون دھون کو بچپن میں پروپوزکیا تھا ، شردھا کپورکا انکشاف
سریدھرن نے اپنی پوسٹ میں لکھا کہ ایسا صرف بنگلور میں ہی ہوتا ہے۔
سوشل میڈیا پر اس پوسٹ کو کافی پسند کیا گیا اور لوگوں نے اس پر مختلف ردعمل دیے۔ کچھ لوگوں نے انٹرن کی کاروباری صلاحیتوں کو سراہا اور اسے فنڈنگ حاصل کرنے پر مبارکباد دی۔ جبکہ دوسروں نے اس کے بغیر اطلاع دیے ملازمت چھوڑنے پر تنقید کی۔
