سپریم کورٹ میں ججز کی تعداد بڑھانے کا بل سینیٹ میں پیش
اسلام آباد : سینیٹ میں سپریم کورٹ میں ججز کی تعداد میں اضافے کا بل پیش کردیا گیا ہے۔
سینیٹر عبدالقادر نے یہ بل پیش کیا ہے جس کے مطابق سپریم کورٹ میں ججز کی تعداد چیف جسٹس سمیت 21 کی جا سکتی ہے۔
سینیٹر عبدالقادر کا کہنا ہے کہ سپریم کورٹ میں پڑے ہوئے کیسوں کی تعداد میں بہت زیادہ اضافہ ہو چکا ہے اور ان کی سماعت میں کافی وقت لگ رہا ہے۔
انہوں نے کہا کہ سپریم کورٹ میں آئینی معاملات کی تعداد میں بھی اضافہ ہوا ہے جس کی وجہ سے ججز کو زیادہ کام کرنا پڑ رہا ہے۔
سینیٹر عبدالقادر کا کہنا ہے کہ سپریم کورٹ میں ججز کی تعداد بڑھانے سے پینڈنگ کیسز کی تعداد میں کمی آئے گی اور عوام کو انصاف جلد مل سکے گا۔
تاہم پاکستان تحریک انصاف (پی ٹی آئی) نے اس بل کی مخالفت کی ہے۔ پی ٹی آئی کا کہنا ہے کہ اس بل کو جلدی میں پیش کیا جا رہا ہے اور اس پر مزید غور کرنے کی ضرورت ہے۔
واضح رہے کہ سپریم کورٹ میں ججز کی تعداد بڑھانے کا معاملہ کافی عرصے سے زیر بحث ہے۔ اس حوالے سے مختلف سیاسی جماعتوں کے مختلف نقطہ نظر ہیں۔
