راولپنڈی: بحریہ ٹائون چیمپیئنز ٹی 20 کپ کے تیرہویں روز کھیلے جانیوالے میچ میں اے بی ایل سٹالیئنز کی ٹیم نے یو ایم ٹی مارخور کی ٹیم کو 39 رنز سے شکست دیدی۔
پنڈی کرکٹ سٹیڈیم میں13 ویں روز کا 17 واں میچ یو ایم ٹی مارخوراور اے بی ایل سٹالیئنز کی ٹیموں کے درمیان کھیلا گیا جس میں اے بی ایل سٹالیئنز کی ٹیم نی39 رنز سے کامیابی حاصل کی۔
قبل ازیں یو ایم ٹی مارخور کے کپتان افتخار احمد نے ٹاس جیت کر فیلڈنگ کا فیصلہ کیا،اے بی ایل سٹالیئنز نے مقررہ 20 اوورز میں 9 وکٹ پر 147 رنز بنائے،شعیب ملک نے 27 رنز، معاذ صداقت نے 20 رنز، تیمور خان نے بھی20 رنز، محمد حارث نے 19 رنز، جہاندادخان نے16 رنز اور محمد محسن نے 12 رنز بنائے،یو ایم ٹی مارخورکی جانب سے بلاول بھٹی، زاہد محمود اور عاکف جاوید نے دو، دو جبکہ افتخار احمدنے ایک وکٹ حاصل کی۔
دو کھلاڑی رن اوٹ ہوئے، جواب میں یو ایم ٹی مارخورکی ٹیم 18.3 اوورز میں 118 رنز بنا کر اوٹ ہو گئی، سعد مسعودنے 38 رنز، نثار خان نے 22 رنز اور خواجہ نافع نے 17 رنز بنائے۔
اے بی ایل سٹالیئنز کی جانب سے محمد علی نے 4 وکٹ، جہانداد خان نے 3 وکٹ، عثمان طارق نے دو وکٹ اورمعاذ صداقت نے ایک وکٹ حاصل کی۔
اے بی ایل سٹالیئنز کے جہانداد خان کو ال رائونڈ کارکردگی پر مین آف دی میچ قرار دیا گیا۔
