سونے کی قیمتوں میں کمی کے بعد بڑا اضافہ

سونے کی قیمتوں میں کچھ دنوں سے جاری کمی کا سلسلہ آج رک گیا ہے اور فی تولہ سونے کی قیمت میں 2 ہزار روپے کا بڑا اضافہ دیکھنے کو ملا ہے۔

سرکاری خبر رساں ادارے ’اے پی پی‘ کے مطابق، 24 قیراط فی تولہ سونا 2 ہزار روپے مہنگا ہو کر 2 لاکھ 76 ہزار 400 روپے میں فروخت ہوا۔

اسی طرح، 24 قیراط 10 گرام سونے کی قیمت بھی ایک ہزار 734 روپے بڑھ کر 2 لاکھ 36 ہزار 698 روپے ہو گئی ہے۔ اس کے علاوہ، 22 قیراط 10 گرام سونے کی قیمت بھی 2 لاکھ 17 ہزار 221 روپے ریکارڈ کی گئی۔

چاندی کی قیمتیں بھی مستحکم رہی ہیں، فی تولہ چاندی 3 ہزار 400 روپے اور 10 گرام چاندی 2 ہزار 915 روپے پر برقرار ہے۔

عالمی منڈی میں بھی سونے کی قیمتوں میں اضافہ ہوا ہے، جہاں فی اونس سونا 20 ڈالر مہنگا ہو کر 2 ہزار 652 ڈالر کا ہو گیا ہے۔

واضح رہے کہ 7 دسمبر کو 24 قیراط فی تولہ سونا 300 روپے سستا ہو کر 2 لاکھ 74 ہزار 400 روپے میں فروخت ہوا تھا، جب کہ 6 دسمبر کو فی تولہ سونا ایک ہزار روپے کمی کے بعد 2 لاکھ 74 ہزار 700 روپے ہوگیا تھا۔