بیرسٹر گوہر علی جوڈیشل کمیشن آف پاکستان کے رکن مقرر

چیئرمین پی ٹی آئی بیرسٹر گوہر علی جوڈیشل کمیشن آف پاکستان کے رکن مقرر ہوگئے۔

اسپیکر قومی اسمبلی کی جانب سے اپوزیشن اراکین کی تبدیلی کے معاملے پر بیرسٹر گوہر علی کا نام سپریم کورٹ کو بھجوایا گیا تھا، جس کے بعد جوڈیشل کمیشن آف پاکستان نے ان کی تقرری کا نوٹیفکیشن جاری کردیا۔

قبل ازیں اطلاعات تھیں کہ چیئرمین پی ٹی آئی نے جوڈیشل کمیشن میں پارٹی نمائندگی کے لیے عارضی تبدیلی کی منظوری دی ہے۔

ذرائع کے مطابق عمر ایوب کی جگہ پارٹی کی نمائندگی کے لیے بیرسٹر گوہر علی یا لطیف کھوسہ میں سے کسی ایک کو منتخب کیا جانا تھا، جس پر بیرسٹر گوہر علی کو ترجیح دی گئی۔