ٹرمپ کی یورپی یونین پر بھاری تجارتی محصولات عائد کرنے کی تجویز

سابق امریکی صدر ڈونلڈ ٹرمپ نے اعلان کیا ہے کہ وہ یکم جون 2025 سے یورپی یونین پر 50 فیصد تجارتی محصولات لگانے کی تجویز دے رہے ہیں۔

ٹرمپ نے یہ بیان سوشل میڈیا پلیٹ فارم "ٹروتھ سوشل” پر دیا، جہاں انہوں نے کہا کہ یورپی یونین کے ساتھ تجارت کے معاملات حل کرنا انتہائی مشکل ہو چکا ہے۔

ان کے مطابق، یورپی ممالک امریکی کمپنیوں کے ساتھ غیر منصفانہ سلوک کر رہے ہیں۔ انہوں نے الزام لگایا کہ یورپی یونین کی جانب سے لگائی گئی رکاوٹیں، اضافی ٹیکس، اور قانونی دباؤ کی وجہ سے امریکہ کو ہر سال 25 کروڑ ڈالر سے زیادہ کا نقصان ہو رہا ہے۔

ٹرمپ کا کہنا تھا کہ امریکہ میں تیار کردہ مصنوعات پر یہ نیا ٹیرف لاگو نہیں ہوگا۔

یہ بھی پڑھیں: جاپان: 50 سے زائد خواتین سے جنسی زیادتی کے الزام میں ٹیکسی ڈرائیور گرفتار

یاد رہے کہ اس سے پہلے اپریل 2025 میں ٹرمپ نے یورپی یونین پر 20 فیصد جوابی ٹیرف لگایا تھا، لیکن کچھ دن بعد اسے واپس لے لیا گیا تھا۔

ٹرمپ نے کہا کہ موجودہ حالات میں یہ فیصلہ ضروری ہو گیا ہے تاکہ امریکی معیشت کا تحفظ کیا جا سکے۔