سندھ وزیر صحت کی کورونا پھیلنے کی افواہوں کی تردید

کراچی : وزیر صحت سندھ ڈاکٹر عذرا پیچوہو نے کراچی میں کورونا وائرس کی وبا کے پھیلنے کی افواہوں کی تردید کرتے ہوئے کہا کہ شہریوں کو پریشان ہونے کی ضرورت نہیں ہے۔

انہوں نے وضاحت کی کہ 100 میں سے صرف 7 ٹیسٹ مثبت آئے ہیں، جن میں مبتلا افراد کو معمولی علامات تھیں۔

وزیر صحت سندھ نے کہا کہ کورونا کے معاملات معمولی نوعیت کے ہیں اور اس میں خوف پھیلانے کی کوئی ضرورت نہیں ہے۔

انہوں نے مزید کہا کہ دنیا بھر میں کورونا کی وبا ختم ہو چکی ہے اور اب اسے فلو کی طرح ٹریٹ کیا جاتا ہے۔ کورونا میں مبتلا مریضوں کو ہلکی علامات کے سبب گھر بھیج دیا گیا تھا۔

یہ بھی پڑھیں: 6 سیاروں کا نایاب نظارہ اس ہفتے آسمان پر نظر آئے گا

ڈاکٹر عذرا پیچوہو نے اس بات پر زور دیا کہ کورونا اب موسمی فلو کی طرح ہے اور اس سے خوفزدہ ہونے کی کوئی وجہ نہیں ہے۔