معروف بھارتی اداکارو ماڈل کی اہلیہ نے اسلام قبول کرلیا

معروف بھارتی اداکار ساحل خان کی اہلیہ میلنا الیگژنڈر نے حال ہی میں اسلام قبول کر لیا ہے۔ دبئی میں مقیم بھارتی اداکار اور ماڈل ساحل خان نے سوشل میڈیا پر اپنی اہلیہ کے ساتھ ایک تصویر شیئر کرتے ہوئے اعلان کیا کہ ان کی اہلیہ اب مسلمان ہو چکی ہیں۔

ساحل خان نے اپنی اہلیہ کے اسلام قبول کرنے پر خدا کا شکر ادا کیا اور ساتھ ہی دعا کی کہ اللہ ان کی عبادات اور دعاؤں کو قبول کرے اور انہیں اپنی رہنمائی دے۔

اس اعلان کے بعد ساحل خان کے مداحوں کی جانب سے ان کی اہلیہ کو اسلام قبول کرنے پر مبارکباد دی جا رہی ہے اور ان کے لیے نیک تمناؤں کا اظہار کیا جا رہا ہے۔

یہ بھی پڑھیں: وائرل تصویر سے شہرت ملی مگر شدید تنقید کا سامنا رہا، یشما گل

تصاویر میں ساحل خان کی اہلیہ میلنا کے علاوہ ایک اور چیز بھی لوگوں کی توجہ کا مرکز بنی۔ وہ تھی ساحل خان کی کلائی پر بندھی ہوئی قیمتی اور محدود ایڈیشن کی گھڑی۔ اس گھڑی کی قیمت تقریباً 4 کروڑ بھارتی روپے بتائی جا رہی ہے۔

ایک اور پوسٹ میں ساحل خان نے اس گھڑی کی تصویر شیئر کرتے ہوئے اپنے مداحوں کو بتایا کہ انہوں نے اپنی پسندیدہ گھڑی خرید لی ہے، جو کہ ایک ڈیم واچ ہے۔