ٹی20 ورلڈکپ، پاکستان کے 15 رکنی اسکواڈ کو حتمی شکل دیدی گئی

آئی سی سی ٹی20 ورلڈکپ کیلئے پاکستانی ٹیم کے 15 رکنی اسکواڈ کو حتمی شکل دیدی گئی۔
پاکستان میگا ایونٹ میں شریک واحد ٹیم ہے جس نے اپنے 15 رکنی اسکواڈ کا تاحال اعلان نہیں کیا، قومی ٹیم 15 رکنی اسکواڈ اور تین ریزرو کھلاڑیوں پر مشتمل ٹیم کا اعلان انگلینڈ کیخلاف پہلے ٹی20 میچ کے بعد کیا جائے گا۔
ذرائع کے مطابق انگلینڈ کا دورہ کرنے والی 18 رکنی ٹیم میں سے 3کھلاڑیوں حسن علی، عرفان نیازی اور سلمان علی آغا ورلڈکپ اسکواڈ کا حصہ نہیں ہوں گے، انہیں ٹریول ریزورز کھلاڑیوں میں رکھا جائے گا۔
کپتان بابراعظم، ابرار احمد، اعظم خان، حارث روف، افتخار احمد، عماد وسیم، عباس آفریدی، محمد رضوان، نسیم شاہ، صائم ایوب، شاداب خان، شاہین شاہ آفریدی اور عثمان خان شامل ہیں۔