پاکستان کی نامور اداکارہ مہوش حیات نے اپنی زندگی کی 37 بہاریں دیکھ لیں
مہوش حیات نے پاکستانی ڈراموں اور فلموں میں اپنی بہترین اداکاری سے ناظرین کے دل جیتے
کراچی : پاکستان کی نامور اداکارہ مہوش حیات نے اپنی زندگی کی 37 بہاریں دیکھ لیں۔
مہوش حیات نے پاکستانی ڈراموں اور فلموں میں اپنی بہترین اداکاری سے ناظرین کے دل جیتے۔ انہوں نے مارول کی مشہور ٹی وی سیریز ‘مس مارول، میں عائشہ کا یادگار کردار ادا کیا۔ ان کی خدمات کے اعتراف میں 2019 میں حکومتِ پاکستان نے انہیں تمغہ امتیاز سے نوازا۔
6 جنوری 1983 کو کراچی میں پیدا ہونے والی مہوش حیات نے اپنے فنی سفر کا آغاز ماڈلنگ سے کیا۔ 2010 میں ڈرامہ سیریل ‘ماں جلی، کے ذریعے انہوں نے اداکاری کی دنیا میں قدم رکھا اور اپنی صلاحیتوں کا لوہا منوایا۔
یہ بھی پڑھیں: نیلم منیر کی شادی: تصاویر نے مداحوں کے دل جیت لیے
ٹی وی اداکارہ رخسار حیات کے گھر پیدا ہونے والی مہوش حیات نے ڈراموں کے علاوہ فلم انڈسٹری میں بھی شاندار کامیابیاں حاصل کیں۔ اس کے ساتھ ساتھ انہوں نے گلوکاری کے میدان میں بھی اپنی صلاحیتوں کا اظہار کیا۔
