پنجاب حکومت کا کسانوں کو کسان کارڈ دینے کا فیصلہ

ُپنجاب حکومت نے کسانوں کیلئے کسان کارڈ جاری کرنے کا فیصلہ کر لیا۔
پنجاب حکومت نے گندم کی خریداری سے انکار کرتے ہوئے کسانوں کو ریلیف دینے کا فیصلہ کیا ہے جس میں پنجاب حکومت نے کسانوں کیلئے کسان کارڈ جار کرنے کا فیصلہ کیا ہے۔
پنجاب حکومت نے واضح کیا کہ موجودہ حالات میں گندم کی خریداری نہیں کی جا سکتی لہٰذا کسانوں کو ریلیف دینے کیلئے پنجاب حکومت کسان کارڈ جاری کرے گی۔
یاد رہے گزشتہ روز وزیراعظم شہباز شریف نے گندم خریداری کے عمل میں غفلت برتنے پر پاسکو کے ایم ڈی اور جی ایم پروکیورمنٹ کو معطل کردیا تھا۔
پنجاب اسمبلی میں اپوزیشن لیڈر ملک احمد بچھر نے کہا کہ حکومت نے گندم نہ خرید کر کسانوں کا معاشی قتل کیا، گندم اسکینڈل پر اب تک تحقیقات کیوں نہیں ہو سکیں؟ ۔ گندم امپورٹ کر کے خزانے کو اربوں روپے کا ٹیکہ لگایاگیا۔