دوسرا ون ڈے: زمبابوے کا پاکستان کیخلاف ٹاس جیت کر پہلے بیٹنگ کا فیصلہ

بلاوایو: زمبابوے نے پاکستان کے خلاف دوسرے ون ڈے انٹرنیشنل میں ٹاس جیت کر پہلے بیٹنگ کا فیصلہ کیا ہے۔

بلاوایو میں جاری سیریز کے دوسرے میچ کا ٹاس زمبابوے کے کپتان کریگ ایروائن نے جیتا اور بیٹنگ کا انتخاب کیا۔ اس میچ کے لیے میزبان ٹیم نے اپنی پچھلی فاتح ٹیم میں کوئی تبدیلی نہیں کی، جب کہ پاکستان کی جانب سے دو تبدیلیاں کی گئیں۔ قومی ٹیم میں حسنین کی جگہ محمد ابرار اور حسیب اللہ خان کی جگہ طیب طاہر کو شامل کیا گیا ہے۔

پہلے میچ کے حوالے سے بات کی جائے تو زمبابوے نے پاکستان کو 206 رنز کا ہدف دیا تھا، تاہم بارش سے متاثرہ میچ میں پاکستان 21 اوورز میں صرف 60 رنز بنا سکا اور 6 وکٹیں گنوا بیٹھا۔ نتیجتاً، میزبان ٹیم نے ڈک ورتھ لوئس سسٹم (ڈی ایل ایس) کے تحت قومی ٹیم کو 80 رنز سے شکست دی تھی۔