یونیورسٹی آف ایجوکیشن وہاڑی میں کریکٹر بلڈنگ سوسائٹی کی حلف برداری تقریب کا انعقاد

وہاڑی (سلمان جاوید چوہدری) یونیورسٹی آف ایجو کیشن وہاڑی میں کر یکٹر بلڈنگ سوسائٹی کی حلف برداری کی تقریب کا انعقاد کیا گیا۔

پرنسپل پروفیسر ڈاکٹر شیخ اسرار احمد نے کریکٹر بلڈنگ سو سائٹی کے مشیر، صدر، نائب صدر، سیکرٹری اور ممبران سے عہدے کا حلف لیا۔

اس موقع پر فقیر حسین (انچارج اسٹوڈنٹ افیئرز) اور ڈاکٹر حسن محمود (کوآرڈینیٹر فنانشل ایڈ آفس) نے شرکت کی۔

کریکٹر بلڈنگ سو سائٹی تقریب میں ڈاکٹر محمد عمران نے سوسائٹی کے مشیر،ہارون خان نے صدر، سخاوت علی نے نائب صدر اور کرن وحید نے سیکرٹری اور محمد خبیب ثانی، کائنات طارق، ایم فیضان، عائشہ رضوان، عاقب علی اور فرمان علی نے بطور ممبران حلف لیا۔

کریکٹر بلڈنگ سو سائٹی عہدیداران نے احتساب، دیانت اور خدمت کی اقدار کو برقرار رکھنے کے لیے عزم کا اظہار کیا پرنسپل پروفیسر ڈاکٹر شیخ اسرار احمد نے طلباء کو چیلنجز کا مقابلہ کرنے کی ترغیب دی اور ممبران کو معاشرے میں ٹھوس کردار ادا کرنے کے ہر موقع سے فائدہ اٹھانے کی ترغیب دی۔