وٹامن ڈی بلڈ پریشر کو قابو کرنے میں مددگار ہو سکتا ہے؟، نئی تحقیق میں انکشاف

لاہور: وٹامن ڈی ہماری صحت پر گہرا اثر ڈالتا ہے اور اس کی کمی مختلف بیماریوں کا سبب بن سکتی ہے۔

جرنل آف دی اینڈوکرائن سوسائٹی میں شائع ہونے والی ایک تحقیق میں یہ بات سامنے آئی ہے کہ وٹامن ڈی بلڈ پریشر کو بہتر بنانے میں اہم کردار ادا کرتا ہے۔

تحقیق میں کہا گیا ہے کہ وٹامن ڈی کو کیلشیم کے ساتھ استعمال کرنے سے موٹاپے کا شکار افراد اور بزرگوں میں بلڈ پریشر کو کنٹرول کیا جا سکتا ہے۔

اس مطالعے میں 221 افراد نے حصہ لیا، جن کی عمر 65 سال سے زائد تھی اور وہ وزن میں اضافے کا شکار تھے۔ انہیں دو گروپوں میں تقسیم کیا گیا، جن میں وٹامن ڈی کی مقدار 10 سے 30 ng/mL کے درمیان تھی۔

یہ یاد رکھنا ضروری ہے کہ 30 ng/mL سے کم مقدار کو ناکافی اور 20 ng/mL سے کم کو کمی شمار کیا جاتا ہے۔

تحقیق کے دوران ایک گروپ کو کم جبکہ دوسرے گروپ کو زیادہ مقدار میں وٹامن ڈی دیا گیا، اور ان دونوں گروپوں میں ایک سال بعد ہائی بلڈپریشر میں قابلِ ذکر کمی دیکھنے کو ملی۔

محققین نے یہ بھی بتایا کہ وٹامن ڈی کے استعمال سے ہڈیوں کی صحت میں بہتری آتی ہے اور ہڈیوں کے ٹوٹنے کے خطرات بھی کم ہو سکتے ہیں۔

یہ وٹامن سورج کی روشنی سے حاصل کیا جا سکتا ہے، لیکن سالمن مچھلی، مشروم اور انڈے جیسے خوراک سے بھی اس کی کمی کو دور کیا جا سکتا ہے۔