سیالکوٹ(سلمان احسان بٹ)ڈسٹرکٹ پولیس آفیسر (ڈی پی او)سیالکوٹ رانا عمر فاروق نے سیالکوٹ چیمبرآف کامرس اینڈ انڈسٹری کا دورہ کیا۔
صدر سیالکوٹ چیمبرآف کامرس اینڈ انڈسٹری اکرام الحق، سینئر نائب صدر وسیم شہباز لودھی اور نائب صدر عمر خالد نے معزز مہمانوں کا پرتپاک استقبال کیا۔
اس موقع پر گفتگو کرتے ہوئے ڈی پی او سیالکوٹ راناعمر فاروق نے کہا کہ سیالکوٹ پولیس عوام کی خدمت اور تحفظ کے لیے دن رات مصروف عمل ہے۔انہوں نے کہا کہ شہر بھر میں سیف سٹی کیمروں کی تنصیب کا؛ عمل مکمل ہو چکا ہے جو انتہائی خوش ائند ہے۔
انہوں نے کہا کہ ہم چاہتے ہیں کہ فیکٹریوں کے مین دروازوں پر نصب کیمروں کو انٹرنیٹ کی مدد سے ڈی پی او دفتر کے ساتھ منسلک کر دیاجائے تاکہ شہر کی بزنس کمیونٹی کے تحفظ کو مزید بہتر بنایا جا سکے۔
انہوں نے کہا کہ کینٹ چوک سمیت دیگر چوکوں چوراہوں کی خوبصورتی کو یقینی بنانے کے لیے اور چوکوں میں ٹریفک اشاروں کی تنصیب کے لیے سیالکوٹ چیمبر کا مالی تعاون درکار ہے۔
