آسٹریلیا کے سمندر میں نایاب "گھوڑے نما” مچھلی کی دریافت

کینبرا: آسٹریلیا کے سمندر میں ماہی گیروں کے ہاتھ ایک غیرمعمولی شکل والی مچھلی لگی جسے دیکھ کر سب حیران رہ گئے۔ عجیب و غریب صورت اور گھوڑے جیسے سر کی وجہ سے اس مچھلی کو "ڈومز ڈے فش” کا نام دیا گیا ہے۔

آسٹریلیا کے جزائر تیوی کے قریب پکڑی گئی اس مچھلی نے سوشل میڈیا پر دھوم مچادی ہے، جہاں صارفین اس پراسرار مخلوق پر دلچسپ تبصرے کر رہے ہیں۔

غیر ملکی میڈیا کے مطابق، یہ نایاب مخلوق جسے "اورفش” کہا جاتا ہے، انسانی قد سے بھی زیادہ لمبی ہے اور سمندر کی ہزار میٹر گہرائی میں رہتی ہے۔ اس کی بڑی بڑی آنکھیں اور گھوڑے سے مشابہت رکھنے والا سر اس کی خصوصیات ہیں، اور یہ اکثر زندہ نظر نہیں آتی بلکہ ساحل پر مردہ ملتی ہے۔

مچھلی کی تصویر وائرل ہوتے ہی، ایک صارف نے تبصرہ کیا کہ یہ مچھلی کسی سائنس فکشن فلم کی مخلوق لگتی ہے، جبکہ ایک اور صارف نے کہا کہ ایسی منفرد اور دلکش مخلوق پہلے کبھی نہیں دیکھی۔