لاہور : لاہور میں ایک شہری سے 70 ہزار روپے رشوت مانگنے والے اے ایس آئی کو پولیس نے رنگے ہاتھوں گرفتار کر لیا ہے۔
پولیس حکام کے مطابق لاہور اے وی ایل ایس میں تعینات اسسٹنٹ سب انسپکٹر وسیم نے ایک شہری سے 70 ہزار روپے کی رشوت مانگی تھی۔ تاہم، شہری نے اس کے بجائے اپنے اعلیٰ افسر کو یہ بات بتا دی۔ اعلیٰ افسر نے فوری کارروائی کرتے ہوئے اے ایس آئی وسیم کو حوالات میں بند کر دیا اور اس کے خلاف مقدمہ درج کر دیا ہے۔
ڈی آئی جی آرگنائزڈ کرائم یونٹ نے اس واقعے پر ردعمل دیتے ہوئے کہا ہے کہ جو بھی رشوت لیتے ہوئے پکڑا جائے گا، اس کے خلاف سخت کارروائی کی جائے گی۔
