سعودی عرب میں تین شہریوں کو دہشت گردی کے الزام میں پھانسی
ریاض : سعودی عرب نے مملکت سے غداری کرنے کے الزام میں تین شہریوں کو سزائے موت دے دی ہے۔
سعودی وزارت داخلہ کی جانب سے جاری ایک بیان میں کہا گیا ہے کہ ان تینوں شہریوں کو دہشت گرد تنظیموں سے وابستگی اور دہشت گردانہ سرگرمیوں میں ملوث ہونے کے جرم میں سزا دی گئی ہے۔
ملزمان کی شناخت حنیفیس الھدلی، ماجدی بن محمد بن عطین الکعبی اور ریاض بن عامر بن مطر بن الکعبی نام سے ہوئی۔
سعودی حکام کے مطابق یہ تینوں افراد دہشت گرد تنظیموں کی مدد کرتے تھے اور لوگوں کو دہشت گردانہ خیالات پھیلاتے تھے۔ ان پر یہ بھی الزام تھا کہ انہوں نے دہشت گردانہ کارروائیاں کرنے کی کوشش کی تھی۔
سعودی عدالت نے ان تینوں کو دہشت گردی کے جرم میں مجرم قرار دیتے ہوئے انہیں سزائے موت دی۔ یہ سزا اتوار کے روز ریاض میں دی گئی۔
سعودی عرب دہشت گردی کے خلاف سخت موقف اختیار کرتا ہے اور دہشت گردی میں ملوث افراد کے خلاف سخت کارروائی کرتا ہے۔ سعودی حکام کا کہنا ہے کہ وہ ملک کی سلامتی اور استحکام کے لیے کسی بھی قسم کی قربانی دینے کے لیے تیار ہیں۔
