بالی ووڈ اداکارہ وانی کپور بھی فواد خان کی مداح نکلیں
بالی ووڈ اداکارہ وانی کپور بھی فواد خان کی مداح نکلیں
ممبئی: بولی وڈ کی معروف اداکارہ وانی کپور نے پاکستانی سپر اسٹار فواد خان کی تعریف کرتے ہوئے انہیں ایک بہترین اداکار قرار دیا ہے۔ وانی کپور نے حال ہی میں دیئے گئے ایک انٹرویو میں فواد خان کے ڈراموں ’ہمسفر‘ اور ’زندگی گلزار ہے‘ کو بہت پسند کرنے کا اعتراف کیا ہے۔
گزشتہ چند ماہ سے دونوں سٹارز کے ایک ساتھ فلم میں کام کرنے کی خبریں گردش کر رہی ہیں۔ بھارتی میڈیا کے مطابق دونوں کو ایک نئی بولی وڈ فلم میں کاسٹ کر لیا گیا ہے اور جلد ہی اس کا اعلان بھی متوقع ہے۔ تاہم فواد خان اور وانی کپور دونوں نے اس بارے میں کوئی حتمی بات نہیں کی ہے۔
فواد خان نے جولائی میں اس حوالے سے ایک مبہم بیان دیا تھا اور کہا تھا کہ انہیں اس بارے میں کوئی خاص معلومات نہیں ہیں۔ جبکہ وانی کپور نے بھی فواد خان کے ساتھ کام کرنے کی تصدیق یا تردید نہیں کی، البتہ انہوں نے فواد خان کی اداکاری کی بہت تعریف کی ہے۔
واضح رہے کہ فواد خان اور وانی کپور کی جوڑی کو بولی وڈ کے مداح بہت پسند کرتے ہیں۔ اگر یہ دونوں سٹارز ایک ساتھ فلم میں نظر آئے تو یہ بولی وڈ کے لیے ایک بڑی خبر ہوگی۔
