اڈیالہ جیل میں قیدیوں کی لڑائی، کٹر کے وار سے ایک زخمی

اڈیالہ جیل میں قیدیوں کی لڑائی، کٹر کے وار سے ایک زخمی

لاہور :اڈیالہ جیل میں قیدیوں کے درمیان لڑائی کا ایک اور واقعہ پیش آیا ہے جس میں ایک قیدی کو کٹر کے وار سے شدید زخمی کردیا گیا ہے۔

پولیس کے مطابق یہ واقعہ 29 اگست کو جیل کی چکر مسجد کے قریب پیش آیا جب ایک قتل کے مقدمے میں گرفتار قیدی آتش حسین نے حوالاتی انجم سے جھگڑا کیا اور خود ساختہ کٹر سے انجم کے گردن، سر اور کندھے کو زخمی کردیا۔

زخمی قیدی کا طبی معائنہ کروایا گیا ہے اور رپورٹ پولیس کے پاس موجود ہے۔ اسسٹنٹ سپرنٹنڈنٹ عمران شہزاد کی مدعیت میں قیدی آتش حسین کے خلاف تھانہ صدر بیرونی میں مقدمہ درج کرلیا گیا ہے۔

واضح رہے کہ سابق وزیر اعظم عمران خان اور ان کی اہلیہ بشریٰ بی بی نئے توشہ خانہ ریفرنس سمیت دیگر کیسز میں اڈیالہ جیل میں قید ہیں۔