وکیل بننا چاہتی تھی لیکن قسمت کو کچھ اور ہی منظور تھا،کرینہ کپور
وکیل بننا چاہتی تھی لیکن قسمت کو کچھ اور ہی منظور تھا،کرینہ کپور
ممبئی: بالی ووڈ کی نامور اداکارہ کرینہ کپور نے ایک حالیہ انٹرویو میں ایک ایسا انکشاف کیا ہے جس نے ان کے مداحوں کو حیران کر دیا ہے۔
کرینہ نے بتایا ہے کہ وہ بچپن سے ہی ایک اچھی طالبہ رہی ہیں اور خواب وکیل بننے کا تھا۔
کرینہ نے بتایا کہ انہوں نے ہارورڈ یونیورسٹی میں سمر کورس بھی کیا تھا اور اس دوران انہیں وکالت کے شعبے میں بہت دلچسپی پیدا ہوئی تھی۔ تاہم قسمت کو کچھ اور ہی منظور تھا اور کرینہ بالی ووڈ کی دنیا میں چمکتی ہوئی ستارہ بن گئیں۔
کرینہ نے کہا، “میرے والدین نے مجھے کبھی کسی خاص کیریئر کے لیے مجبور نہیں کیا۔ انہوں نے مجھے ہمیشہ آزادی دی کہ میں وہ کروں جو میرا دل چاہتا ہے۔ میں ایک بہترین طالبہ تھی اور ہارورڈ جانا میرے لیے ایک بہت اچھا تجربہ تھا۔”
کرینہ نے مزید کہا، “میں وکیل بننا چاہتی تھی لیکن قسمت کو کچھ اور ہی منظور تھا۔ جب میں ہارورڈ سے واپس آئی تو میں نے اداکاری کی دنیا میں قدم رکھنے کا فیصلہ کیا اور مجھے اس پر کبھی افسوس نہیں ہوا۔”
کرینہ کپور نے سال 2000 میں فلم “رفوجی” سے اپنے فلمی کیریئر کا آغاز کیا تھا اور آج وہ بالی ووڈ کی سب سے کامیاب اداکاراوں میں سے ایک ہیں۔ انہوں نے اپنی اداکاری سے لاکھوں دلوں پر راج کیا ہے اور انہیں بالی ووڈ کی ملکہ بھی کہا جاتا ہے۔
