ماورا حسین کو سرفنگ کے لباس پر تنقید کا سامنا: سوشل میڈیا پر تہلکہ
لاہور : معروف اداکارہ ماورا حسین ان دنوں سوشل میڈیا پر کافی توجہ کا مرکز بنی ہوئی ہیں۔ حالیہ دنوں میں انہوں نے امریکہ کے ساحل پر سرفنگ کرتے ہوئے اپنی چند تصاویر اور ویڈیوز شیئر کیں جنہوں نے سوشل میڈیا پر تہلکہ مچا دیا۔
ماورا حسین نے ان تصاویر میں ایک خاص قسم کا لباس پہنا ہوا تھا جس پر سوشل میڈیا صارفین نے شدید تنقید کی ہے۔ صارفین کا کہنا ہے کہ ماورا نے جان بوجھ کر ایسا لباس پہنا تاکہ لوگوں کی توجہ حاصل کی جا سکے۔ بعض صارفین نے یہاں تک کہا کہ ماورا کو سرفنگ کے دوران کس قسم کا لباس پہننا چاہیے، اس کا انہیں کوئی علم ہی نہیں۔
View this post on Instagram
کچھ صارفین نے تو یہاں تک کہا کہ ماورا کا کوئی قصور نہیں بلکہ پاکستانی عوام ہی قصوروار ہے جو ایسے اداکاروں کے ڈرامے دیکھتے ہیں۔ بعض نے ماورا کو شریف سمجھا تھا لیکن ان کی ان تصاویر نے انہیں مایوس کردیا۔
سوشل میڈیا پر ماورا حسین کے خلاف انتہائی سخت اور نامناسب الفاظ استعمال کیے جا رہے ہیں۔ بعض صارفین نے یہاں تک کہا کہ قیامت کی ضرورت اس لیے پڑی کہ ایسے لوگ موجود ہیں۔
ماورا حسین کی ان تصاویر نے سوشل میڈیا پر ایک بحث کو جنم دیا ہے کہ آیا اداکاروں کو اپنی ذاتی زندگی میں کس قسم کے لباس پہننے چاہئیں یا نہیں۔ بعض کا کہنا ہے کہ اداکاروں کو اپنی پبلک امیج کا خیال رکھنا چاہیے جبکہ دوسروں کا کہنا ہے کہ اداکار بھی انسان ہیں اور انہیں بھی اپنی مرضی سے زندگی گزارنے کا حق ہے۔
