لاہور میں مہنگائی کا طوفان، سبزیوں اور گوشت کے نرخ آسمان چھونے لگے!
لاہور میں مہنگائی کا طوفان، سبزیوں اور گوشت کے نرخ آسمان چھونے لگے!
لاہور : شہر میں مہنگائی کا جن بے قابو ہوگیا ہے اور عام شہری مہنگائی کے اس طوفان سے سخت متاثر ہیں۔ مارکیٹ کمیٹی کی تازہ ترین رپورٹ کے مطابق سبزیوں اور گوشت کے نرخوں میں بڑی بڑی چھلائیں دیکھنے میں آئی ہیں۔
پیاز کے نرخوں میں 10 روپے فی کلو کا اضافہ ہوا ہے اور اب سرکاری نرخ 120 روپے فی کلو مقرر کیا گیا ہے، تاہم مارکیٹ میں پیاز 140 روپے فی کلو تک فروخت ہو رہا ہے۔ اسی طرح ٹماٹر کے نرخوں میں بھی 5 روپے فی کلو کا اضافہ ہوا ہے اور سرکاری نرخ 125 روپے فی کلو مقرر کیا گیا ہے، لیکن مارکیٹ میں ٹماٹر 180 روپے فی کلو تک پہنچ گیا ہے۔
آلو کے نرخوں میں بھی 3 روپے فی کلو کا اضافہ ہوا ہے اور اب سرکاری نرخ 85 روپے فی کلو مقرر کیا گیا ہے، لیکن مارکیٹ میں آلو 100 روپے فی کلو تک فروخت ہو رہا ہے۔ اس کے علاوہ لہسن 600 روپے، ادرک 800 روپے، پھول گوبھی 150 روپے اور بند گوبھی 250 روپے فی کلو تک فروخت ہو رہی ہے۔
گوشت کے نرخوں میں بھی اضافہ ہوا ہے اور برائلر گوشت 594 روپے فی کلو کے نرخ پر فروخت ہو رہا ہے۔ جبکہ فارمی انڈے ایک روپے فی درجن مہنگے ہو کر 267 روپے فی درجن ہو گئے ہیں۔
شہریوں کا کہنا ہے کہ مہنگائی کی اس لہر نے ان کی زندگی کو اجیرن کردیا ہے اور وہ اب اپنی روزمرہ کی ضروریات پوری کرنے میں بھی مشکل محسوس کر رہے ہیں۔ حکومت سے مطالبہ کیا جاتا ہے کہ وہ مہنگائی پر قابو پانے کے لیے فوری اقدامات کرے۔
