اووربلنگ کی شکایات کا نوٹس، افسران کیخلاف کارروائی کا حکم
وزیر داخلہ محسن نقوی نے پروٹیکٹڈ صارفین کی اووربلنگ کی شکایات کا نوٹس لیتے ہوئے افسران اور عملہ کے خلاف کارروائی کا حکم دیا۔
وفاقی وزیر داخلہ محسن نقوی نے ایف آئی اے کےتمام ڈائریکٹرز کو احکامات جاری کر دیئے۔
انہوں نے ہدایات کرتے ہوئے کہا کہ 200 یونٹ استعمال کرنے والے بجلی صارفین کے ساتھ ہونے والی ناانصافی کا ازالہ کیا جائے۔
یہ بھی پڑھیں: چینی شہریوں کی سکیورٹی اولین ترجیح ہے، محسن نقوی
وزیر داخلہ نے اووربلنگ کرنے والے افسران اور عملے کے خلاف بلا امتیاز کارروائی کی ہدایت دی، اور پروٹیکٹڈ صارفین کو نان پروٹیکٹڈ کیٹگری میں شامل کرنے کو مجرمانہ فعل قرار دیا۔
انہوں نے کہا کہ پروٹیکٹڈ صارفین پہلے ہی مشکلات کا شکار ہیں، اور اووربلنگ سے ان پر کروڑوں روپے کا اضافی بوجھ ڈالا جاتا ہے۔
