ڈی آئی جی جیل خانہ جات کا ڈسٹرکٹ جیل شاہ پور کا دورہ
ڈپٹی انسپکٹر جنرل جیل خانہ جات سرگودھا ریجن سعیداللہ گوندل نے ڈسٹرکٹ جیل شاہ پور کا دورہ کیا.
اس دوران ان کے ہمراہ سپرٹینڈنٹ ڈسٹرکٹ جیل شاہپور طاہر مجید بھی تھے انہوں نے غلہ گودام،ہسپتال،کچن،حوالات بیرک،اسیران زنانہ بیرکوں کا وزٹ کیا۔
اس موقع پر اُنہوں نے جیل ملازمین اور اسیران سے انکے مسائل سُنے اور اُن کو فوری طور پر حل کرنے کے لیے احکامات جاری کیے ڈی آئی جی سعید اللہ گوندل نے جیل میں کھانے کے معیار اور صفائی کے انتظامات کا جائزہ لیا اور اطمینان کا اظہار کیا۔
اُنہوں نے سپرنٹنڈنٹ جیل طاہر مجید ڈپٹی سپرٹینڈنٹ عطاء الرحمن سمیت تمام جیل افسران و ملازمین کو ہدایت کی کہ اسیران کے ساتھ کسی قسم کی زیادتی یا کو تاہی نہ برتی جائے اور لواحقین کے ساتھ مناسب رویہ اختیار کیا جائے۔
ڈی آئی جی جیل خانہ جات نے وہاں پر موجود لواحقین و سائلین کو حکومت کی طرف سے سہولیات کی فراہمی کی یقین دہانی کروائی۔
