چیئرمین پی سی بی کا قذافی اسٹیڈیم کی تعمیر نو 25 جنوری تک مکمل کرنے کا حکم

لاہور: پاکستان کرکٹ بورڈ (پی سی بی) کے چیئرمین محسن نقوی نے قذافی اسٹیڈیم میں جاری تعمیراتی کام 25 جنوری تک مکمل کرنے کی ہدایت جاری کر دی۔

چیئرمین پی سی بی نے قذافی اسٹیڈیم کا تفصیلی دورہ کیا، جہاں انہوں نے تعمیر نو کے کام کی پیش رفت کا بغور جائزہ لیا اور اسٹیڈیم کی مین بلڈنگ کے تمام فلورز کا معائنہ کیا۔

اس موقع پر محسن نقوی نے اعلان کیا کہ اسٹیڈیم کی تعمیر مکمل ہونے کے بعد افتتاح ایک شاندار تقریب میں کیا جائے گا۔

یہ بھی پڑھیں: سڈنی ٹیسٹ: آسٹریلیا کی شاندار فتح، بھارت فائنل سے باہر

قومی کرکٹ ٹیم کی کارکردگی پر بات کرتے ہوئے چیئرمین نے کہا کہ ٹیم محنت اور فائٹ کر رہی ہے، اور کھیل میں ہار جیت معمول کا حصہ ہے۔

اس دوران انہوں نے صائم ایوب کی صحت کے حوالے سے بھی بات کی اور بتایا کہ وہ علاج کے لیے انگلینڈ روانہ ہوں گے، جہاں ان کے علاج میں کسی قسم کی کوتاہی نہیں ہونے دی جائے گی۔