نیلم منیر کی عروسی لباس میں تصاویر نے سوشل میڈیا پر دھوم مچا دی

پاکستان کی معروف اداکارہ نیلم منیر نے عروسی لباس میں اپنے شوہر محمد راشد کے ساتھ فوٹو شوٹ کی دلکش تصاویر انسٹاگرام پر شیئر کی ہیں۔ نیلم منیر نے سرخ رنگ کے عروسی لباس میں خوبصورت انداز اپنایا، جب کہ ان کے شوہر نے روایتی سفید شیروانی زیب تن کر رکھی ہے۔

یہ جوڑا اپنی تصاویر کے ذریعے مداحوں کو خوب متاثر کر رہا ہے اور سوشل میڈیا پر ان تصاویر کو بے حد پسند کیا جا رہا ہے۔

شیئر کی گئی تصاویر میں نیلم منیر اور محمد راشد کے شادی کی تقریبات کے خاص لمحات کو قید کیا گیا ہے۔ اس سے قبل نیلم کی مہندی اور نکاح کی تصاویر بھی سوشل میڈیا پر خوب وائرل ہوئیں اور مداحوں نے ان لمحات کو بے حد سراہا۔

تصاویر میں نیلم کو پاکستانی روایتی انداز میں سرخ عروسی لباس پہنے دیکھا جا سکتا ہے، جب کہ محمد راشد کریم رنگ کی خوبصورت شیروانی میں نہایت جاذب نظر آ رہے ہیں۔

یہ بھی پڑھیں: نیلم منیر کی شادی: تصاویر نے مداحوں کے دل جیت لیے

یہ یادگار فوٹو شوٹ متحدہ عرب امارات کے مشہور مقام برج خلیفہ کے پس منظر میں کیا گیا، جس نے تصاویر کی خوبصورتی کو مزید بڑھا دیا۔

یوٹیوب پر ایک ویڈیو کے مطابق، نیلم منیر کے شوہر محمد راشد دبئی پولیس کے سی آئی ڈی ڈپارٹمنٹ میں خدمات انجام دے رہے ہیں۔ رپورٹ کے مطابق، یہ پسند کی شادی تھی، اور ان کی شادی کی تقریب گزشتہ ماہ منعقد ہوئی تھی، جس کے مناظر اب عوام کے ساتھ شیئر کیے گئے ہیں۔