معروف اداکار و ٹی وی میزنان محسن عباس کے والد انتقال کر گئے

معروف اداکار، گلوکار، اور ٹی وی میزبان محسن عباس کے والد کے انتقال پر شوبز شخصیات نے اظہار تعزیت کیا ہے۔

محسن عباس حیدر نے انسٹاگرام پر ایک پوسٹ میں بتایا کہ ان کے والد انتقال کر گئے ہیں، جس پر شوبز شخصیات اور مداحوں نے بھی ان سے تعزیت کا اظہار کیا۔ محسن عباس حیدر نے والد کے انتقال کی پوسٹ شیئر کرتے ہوئے لکھا، "میرے ابو کا انتقال ہو گیا ہے، اناللہ واناالیہ راجعون۔” انہوں نے والد کی تصویر نہیں شیئر کی اور نہ ہی مزید کوئی معلومات فراہم کیں۔

سینیئر اداکارہ شگفتہ اعجاز سمیت دیگر شخصیات نے محسن عباس حیدر سے تعزیت کی اور مداحوں نے بھی اداکار کی پوسٹ پر ان کے والد کے انتقال پر افسوس کا اظہار کرتے ہوئے ان کی مغفرت کی دعائیں کیں۔