ہالی ووڈ کے مشہور اداکار جیمز ارل جونز انتقال کر گئے
نیویارک: ہالی ووڈ کے مشہور اداکار اور صداکار جیمز ارل جونز 93 برس کی عمر میں اس دنیا سے کوچ کر گئے ہیں۔
انہوں نے اپنی طویل فنی زندگی میں متعدد یادگار کردار ادا کیے جن میں ’اسٹار وارز‘ میں ڈارتھ ویڈر اور ’لائن کنگ‘ میں مفاسا جیسے کرداروں کو اپنی جاندار آواز سے امر کر دیا تھا۔
جونز کی غیر معمولی کارکردگی پر انہیں ایک آسکر، ایک گریمی، 3 ایمی اور 3 ٹونی ایوارڈز سے نوازا جا چکا تھا۔ انہوں نے نہ صرف فلموں بلکہ کئی ٹی وی اشتہارات اور ڈاکومنٹریز میں اپنی آواز کا جادو جگایا تھا۔
معروف امریکی نشریاتی ادارے سی این این نے بھی برسوں تک ان کی آواز میں اپنی ٹیگ لائن کا استعمال کیا تھا۔
دلچسپ بات یہ ہے کہ بچپن میں ہکلانے کی عادت کی وجہ سے جونز خاموش رہتے تھے لیکن ایک استاد کی حوصلہ افزائی نے انہیں اس دنیا میں لایا۔
جیمز ارل جونز کی وفات پر دنیا بھر میں ان کے مداحوں نے گہرے دکھ کا اظہار کیا ہے۔
