حرا خان کا کاسٹنگ فراڈ کا شکار ہونے سے بال بال بچ جانے کا انکشاف

لاہور : پاکستانی ڈرامہ انڈسٹری کی معروف اداکارہ حرا خان نے ایک حیران کن انکشاف کرتے ہوئے بتایا ہے کہ انہیں ایک نامعلوم ہدایتکار نے کاسٹنگ کے نام پر جنسی ہراسانی کا نشانہ بنانے کی کوشش کی۔

اپنے ایک حالیہ انٹرویو میں حرا خان نے بتایا کہ وہ ایک ڈرامے کی شوٹنگ کے دوران ایک ساتھی اداکارہ سے ایک ہدایتکار کا نمبر لے کر ان سے رابطہ کیا تھا۔ ہدایتکار نے انہیں آڈیشن کے لیے بلایا لیکن انہوں نے آڈیشن کے وقت اور جگہ کے حوالے سے بہت ہی مشکوک مطالبے کیے۔

حرا خان کے مطابق ہدایتکار نے انہیں رات 11 بجے آڈیشن کے لیے آنے کو کہا اور ساتھ ہی یہ بھی کہا کہ وہ مختصر لباس پہن کر آئیں۔ حرا خان نے اس غیر معمولی درخواست پر فوراً شک کیا اور اسے مسترد کردیا۔

اداکارہ نے کہا کہ میں نے اس ہدایتکار کی بات سن کر فوراً سمجھ گئی کہ یہ کچھ ٹھیک نہیں ہے۔ میں نے اس سے انکار کر دیا اور اس کے بعد اس ہدایتکار سے کوئی رابطہ نہیں کیا۔