پی ٹی آئی کا جلسے کےباعث اسلام آباد کے داخلی و خارجی راستے بند
پی ٹی آئی کا جلسے کےباعث اسلام آباد کے داخلی و خارجی راستے بند
اسلام آباد : پاکستان تحریک انصاف (پی ٹی آئی) کا آج اسلام آباد میں ہونے والا جلسہ شہر کو بالکل تاحال بند کر دیا ہے۔ جلسے کے باعث اسلام آباد کے تمام داخلی اور خارجی راستے کنٹینرز لگا کر بند کر دیے گئے ہیں جس کی وجہ سے شہریوں کو شدید مشکلات کا سامنا ہے۔
پی ٹی آئی کا کہنا ہے کہ جلسہ شروع ہو چکا ہے اور ان کے اتحادی بھی جلسے میں شریک ہو رہے ہیں۔ پارٹی چیئرمین بیرسٹر گوہر کا کہنا ہے کہ جلسے کا مقصد عوام میں سیاسی شعور اجاگر کرنا ہے۔
اسلام آباد کی ضلعی انتظامیہ نے پی ٹی آئی کے جلسے کو مدنظر رکھتے ہوئے سکیورٹی کے انتہائی سخت اقدامات کیے ہیں۔ شہر کے مختلف مقامات پر کنٹینرز لگا کر داخلی اور خارجی راستے بند کر دیے گئے ہیں۔
جی ٹی روڈ کو سنگجانی کے مقام پر، موٹر وے کو 26 نمبر چونگی پر، ایکسپریس وے کو کھنہ پل پر اور مری روڈ کو فیض آباد کے مقام پر بند کر دیا گیا ہے۔ روات ٹی چوک سے راولپنڈی آنے والے راستے بھی بند کر دیے گئے ہیں اور فیض آباد انٹرچینج کو مکمل طور پر سیل کر دیا گیا ہے۔
ان اقدامات کی وجہ سے شہریوں کو شدید مشکلات کا سامنا ہے۔ میٹرو بس سروس بھی مکمل طور پر بند ہے جس سے عوام کو آمدورفت میں مشکلات کا سامنا ہے۔ شہر میں ٹریفک جام کی صورتحال ہے اور لوگ اپنے گھروں اور دفاتر تک پہنچنے کے لیے پریشان ہیں۔
اسلام آباد کی انتظامیہ کا کہنا ہے کہ یہ تمام اقدامات امن و امان کو برقرار رکھنے کے لیے کیے جا رہے ہیں۔
