ہمایوں سعید کا سینئر اداکار فرودس جمال کے بیان پر ردعمل
لاہور : پاکستانی شوبز انڈسٹری کے معروف اداکار ہمایوں سعید نے سینئر اداکار فردوس جمال کے اپنے اور ماہرہ خان کے بارے میں دیے گئے بیان پر اپنا ردعمل دے دیا۔
چند روز قبل فردوس جمال نے جی این این کے پروگرام دیس بک میں ماہرہ خان کی عمر اور ہمایوں سعید کی اداکاری پر تنقید کرتے ہوئے کہا تھا کہ ماہرہ خان بوڑھی لگتی ہیں اور ہمایوں سعید اداکاری میں ڈاکہ ڈال
رہے ہیں۔
فردوس جمال کے اس بیان پر سوشل میڈیا پر کافی بحث ہوئی اور لوگوں نے اس پر مختلف ردعمل دیے۔
اب حال ہی میں اداکار یاسر حسین نے انسٹاگرام پر ایک اسٹوری شیئر کی جس میں انہوں نے فردوس جمال کے بیان پر تنقید کرتے ہوئے لکھا کہ اس طرح کے سوالات پوچھنا مناسب نہیں ہے۔
ہمایوں سعید نے یاسر حسین کی اسٹوری کو شیئر کرتے ہوئے ہنسی کا اظہار کیا اور لکھا کہ یہ تمام میزبانوں کے لئے ہے۔
