بھارت کے بزدلانہ حملے میں پاک فوج کے دو جوان شہید ہو گئے

بھارتی فوج کی بزدلانہ جارحیت کے نتیجے میں زخمی ہونے والے دو فوجی شہید ہوگئے۔

پاک فوج کے شعبہ تعلقات عامہ (آئی ایس پی آر) نے بھارتی حملے میں زخمی ہونے والے 2 افراد کی شہادت کی تصدیق کرتے ہوئے کہا کہ پاک فوج کے جوان ہسپتال میں زیر علاج ہیں، جس کے بعد پاک فوج کے شہداء کی مجموعی تعداد 13 ہوگئی۔

آئی ایس پی آر کے مطابق بھارتی جارحیت کے نتیجے میں 78 جوان ڈیوٹی کے دوران زخمی ہوئے۔

شعبہ تعلقات عامہ کے مطابق شہداء کی عظیم قربانی ان کی جرات، احساس فرض اور بے مثال حب الوطنی کی لازوال مثال ہے۔ پاکستان کی مسلح افواج پوری قوم کے ساتھ ان عظیم شہداء کو خراج عقیدت پیش کرتی ہے۔

آئی ایس پی آر کے مطابق پاکستان کی مسلح افواج شہداء کے اہل خانہ سے اظہار تعزیت کرتی ہے اور تمام زخمی فوجیوں کی جلد اور مکمل صحت یابی کی دعا کرتی ہے۔

پاک فوج کے شعبہ تعلقات عامہ کے مطابق شہداء کی قربانی قوم کی یاد میں ہمیشہ زندہ رہے گی اور آنے والی نسلوں کے لیے باعث فخر رہے گی۔