ملکی معیشت کے لیے خوشخبری: گیس پیداوار کا نیا سنگ میل عبور

کراچی: معیشت کے لیے اچھی خبر، پاکستان پیٹرولیم نے گیس کی پیداوار شروع کرنے کا اعلان کردیا ۔

پاکستان پیٹرولیم کی جانب سے کوٹری نارتھ بلاک ون سے گیس کی پیداوار شروع کرنے کی اطلاع پاکستان اسٹاک ایکسچینج کو دی گئی ہے۔

کمپنی کی جانب سے جاری کردہ خط میں بتایا گیا ہے کہ کنوئیں سے یومیہ گیس کی پیداوار 5.3 ملین میٹرک کیوبک فٹ ہے۔

خط کے مطابق گیس کی یومیہ پیداوار 950 پاؤنڈ فی مربع انچ کے دباؤ کے ساتھ حاصل ہو رہی ہے۔ اس گیس کی پیداوار میں پاکستان پیٹرولیم کے ساتھ یونائیٹڈ انرجی پاکستان لمیٹڈ اور ایشیا ریسورسز آئل لمیٹڈ کے مشترکہ شیئرز ہیں۔

یہ بھی پڑھیں: ملک میں سونے کی قیمت میں ایک بار پھر بڑا اضافہ

مزید بتایا گیا ہے کہ کوٹری میں دریافت کیے گئے ٹکری ون کنویں سے حاصل ہونے والی گیس کو علی آباد پراسیسنگ پلانٹ کے ذریعے سوئی سدرن گیس سسٹم میں شامل کیا جا رہا ہے۔

یہ پیش رفت ملکی توانائی کے شعبے میں ایک مثبت سنگ میل ہے، جو توانائی کے مسائل کو حل کرنے میں معاون ثابت ہوگی۔