رنویر سنگھ کی فلم دھرندھر کی تصاویر نے دھوم مچادی

بالی ووڈ کے مشہور اداکار رنویر سنگھ کی آنے والی فلمدھرند ھرکی شوٹنگ کے دوران لی گئی تصاویر سوشل میڈیا پر وائرل ہوگئی ہیں۔

لیک شدہ تصاویر میں رنویر سنگھ کو ایک سردار کے کردار میں دیکھا جاسکتا ہے، جہاں وہ جنگی ماحول میں مکمل تیار نظر آتے ہیں۔ رنویر نے پگڑی باندھی ہوئی ہے اور لمبے بالوں کے ساتھ ایک جنگی رائفل تھامے دکھائی دیتے ہیں۔ یہ فلم جنگ کے پس منظر پر مبنی ہے، اور رپورٹس کے مطابق، اس کا ممکنہ نام "دھرندھر” ہے۔

فلم کی ہدایت کاری مشہور فلم ساز آدتیہ دھر کر رہے ہیں، جو پہلے بھی جنگی کہانیوں کو پردے پر پیش کرنے کے ماہر سمجھے جاتے ہیں۔ تصاویر کے وائرل ہونے پر مداحوں نے زبردست ردعمل کا اظہار کیا ہے، جہاں ایک صارف نے کہا، "یہ فلم بلاک بسٹر ہوگی!”، جبکہ دوسرے نے لکھا، "رنویر اپنے کردار میں بہترین لگ رہے ہیں۔”

رپورٹس کے مطابق، اس فلم میں رنویر کے ساتھ بڑے اداکاروں کی کاسٹ شامل ہے، جن میں سنجے دت، ارجن رامپال، آر مادھون، اور اکشے کھنہ نمایاں ہیں۔ اداکار راکش بیڈی نے حال ہی میں انسٹاگرام پر فلم کی شوٹنگ مکمل ہونے کی خبر شیئر کی تھی اور فلم کا نام "دھرندھر” بتایا، لیکن بعد میں وہ پوسٹ ڈیلیٹ کردی گئی۔