پی ٹی آئی کے ساتھ مذاکرات کے دروازے کھلے ہیں، ایاز صادق

اسلام آباد: سپیکر قومی اسمبلی سردار ایاز صادق نے کہا ہے کہ پی ٹی آئی کے ساتھ مذاکرات کے دروازے کھلے ہیں، وہ حتیٰ کہ منت کرنے کے لیے بھی تیار ہیں۔

سپیکر قومی اسمبلی سردار ایاز صادق نے 18 ویں سپیکرز کانفرنس سے خطاب کرتے ہوئے کہا کہ سپیکرز کانفرنس کے انعقاد پر تمام اسٹیک ہولڈرز کا شکر گزار ہوں، یہ ہمارے لیے اعزاز کی بات ہے۔ کانفرنس کے دوران سب کے تجربات سے سیکھنے کا موقع ملا ہے۔

یہ بھی پڑھیں:   پاکستان کے اہم شعبوں کی برآمدات میں اضافہ ریکارڈ

انہوں نے کہا کہ سپیکر ایوان کے تقدس کا محافظ ہوتا ہے، ہمیں ملک میں سیاسی تقسیم کے خاتمے کے لیے اپنا کردار ادا کرنا ہوگا۔ ہمیں اپنی اسمبلیوں کو مزید فعال بنانا ہوگا اور ہمیں حکومت اور اپوزیشن ارکان کو ساتھ لے کر چلنا ہے۔

ایاز صادق کا مزید کہنا تھا کہ کانفرنس کی تجاویز اور اصلاحات پر عملدرآمد مانیٹر کیا جائے گا۔ انسداد دہشت گردی کے لیے مل کر کام کریں گے اور پروڈکشن آرڈرز کی ضرورت پڑنے پر جاری کیے جائیں گے۔ جمہوری روایات اور اقدار کی پاسداری ضروری ہے۔