کپل شرما کو ریکھا کے سامنے انگلش بولنا مہنگا پڑ گیا

ممبئی : کپل شرما کو ریکھا کے سامنے انگلش بولنا مہنگا پڑ گیا۔

سینئر بھارتی اداکارہ ریکھا نے حال ہی میں مشہور ٹی وی پروگرام دی گریٹ انڈین کپل شو میں شرکت کی، جہاں ان کی مزاحیہ باتوں نے نہ صرف کپل شرما بلکہ شو کے تمام شرکا کو ہنسنے پر مجبور کر دیا۔

شو کے دوران ریکھا نے امیتابھ بچن کی فلم نمک حلال کا مشہور ڈائیلاگ دہراتے ہوئے کپل شرما کے انگلش بولنے کے انداز پر دلچسپ تبصرہ کیا۔ ریکھا نے کہاکہ میں 17 سال کی ہوں، جس پر کپل نے جواب دیا کہ وہ اپنی انگلش بہتر بنا چکے ہیں۔ اس پر ریکھا نے ہنستے ہوئے انہیں چیلنج کیا کہ وہ ورپڈ اپ سنس آف ہیومر کے معنی بتائیں۔

کپل نے اعتراف کیا کہ وہ اس جملے کے مطلب سے واقف نہیں ہیں، جس پر ریکھا نے مذاق کرتے ہوئے کہا، *”اب تک تو تمہیں انگلش سیکھ لینی چاہیے تھی۔

ریکھا نے شو کے دوران مزید کہا کہ وہ نہ صرف انگلش میں چل سکتی ہیں بلکہ بول بھی سکتی ہیں، یہ وہی ڈائیلاگ تھا جو امیتابھ بچن نے نمک حلال میں کہا تھا۔ کپل نے جواب دیا، آپ کی انگلش تھوڑی مہنگی ہے، جس پر ریکھا نے کہاکہ میں مہنگی اردو، ہندی، اور پنجابی بھی سیکھ رہی ہوں۔

ریکھا نے اپنے مزاحیہ انداز اور دلچسپ باتوں سے شو کو خوب محظوظ کیا۔ شو میں کرشنا ابھیشیک اور سنیل گروور نے شاہ رخ خان اور سلمان خان کے روپ میں ایک خاص ایکٹ پیش کیا، جس پر ریکھا کی ہنسی بے قابو ہو گئی۔