جناح ہاؤس حملہ کیس: عالیہ حمزہ سمیت 6 ملزمان کے ناقابلِ ضمانت وارنٹ جاری

لاہور: انسدادِ دہشتگردی کی عدالت نے پی ٹی آئی رہنما عالیہ حمزہ سمیت 6 ملزمان کے ناقابلِ ضمانت وارنٹ گرفتاری جاری کر دیے ہیں۔

انسدادِ دہشتگردی عدالت کے جج منظر علی گل نے کوٹ لکھپت جیل میں جناح ہاؤس حملہ کیس کی سماعت کی۔

سماعت کے دوران عدالت نے جیل ٹرائل کے لیے پیش نہ ہونے پر تحریک انصاف کی رہنما عالیہ حمزہ اور دیگر 5 ملزمان کے ناقابلِ ضمانت وارنٹ گرفتاری جاری کر دیے۔

ملزمان میں عالیہ حمزہ، فرحان بخاری، عاطف منیر، صغیر کمال، عباس علی اور عمران شامل ہیں۔ عدالت نے تمام ملزمان کو 19 دسمبر تک گرفتار کر کے پیش کرنے کا حکم بھی دیا ہے۔