ایلون مسک کی نیورالنک کمپنی کو کینیڈا میں معذور افراد پر ڈیوائس آزمانے کی اجازت

کیلیفورنیا: ایلون مسک کی ٹیلی پیتھی میڈیکل ڈیوائس کمپنی ’نیورالنک‘ نے تصدیق کی ہے کہ کینیڈا کی وزارت صحت نے ان کی ڈیوائس کو وہاں کے 6 معذور افراد پر آزمانے کی اجازت دے دی ہے۔

غیر ملکی خبر رساں ادارے کے مطابق ’نیورالنک‘ نے کینیڈا کی ایک یونیورسٹی سے اشتراک کیا، جہاں کے نیوروسرجن اس ڈیوائس کو معذور افراد پر آزمانا چاہتے ہیں۔

کمپنی نے کینیڈا کے حکام اور یونیورسٹی سے ایک سال قبل رابطہ کیا تھا، اور اب حکومت نے اس ڈیوائس کو 6 معذور افراد پر آزمانے کی منظوری دے دی ہے۔

یہ بات ابھی تک واضح نہیں ہو سکی کہ ’نیورالنک‘ کی ڈیوائس کب تک کینیڈا کے معذور افراد پر آزمایا جائے گا، لیکن اب تک اس ڈیوائس کو صرف امریکا کے دو معذور افراد کے دماغ میں داخل کیا جا چکا ہے۔