بھارتی کمپنی کاایک ہزار ملازمین کو اسپین کا ٹرپ

چنئی: ایک بھارتی کمپنی نے اپنے ملازمین کے لیے ایک شاندار اقدام کیا جس سے وہ خوشی سے نہال ہوگئے۔

چنئی شہر کی ایک معروف رئیل اسٹیٹ ڈیولپر کمپنی نے اپنے 1000 ملازمین کو اسپین کی سیر کے لیے بھیجنے کا فیصلہ کیا ہے۔ کمپنی نے ایک خصوصی اسکیم کے تحت اپنے ملازمین کو نہ صرف اسپین کا ٹرپ دیا بلکہ تمام اخراجات بھی اٹھائے، جہاں وہ مختلف تاریخی مقامات کا دورہ کریں گے۔

اس پروگرام کا مقصد کمپنی کی کامیابی اور ترقی میں اہم کردار ادا کرنے والے ملازمین کو پہچاننا اور ان کی محنت کا اعتراف کرنا ہے۔ کمپنی کا کہنا ہے کہ یہ ٹرپ ملازمین کی لگن اور محنت کو تسلیم کرنے کے لیے ہے جو کمپنی کی ترقی میں نمایاں طور پر شریک رہے ہیں۔

رپورٹس کے مطابق یہ کمپنی کی جانب سے ملازمین کے لیے یہ قدم گزشتہ سال بھی اٹھایا گیا تھا جب کمپنی نے اپنے محنتی ملازمین کے لیے آسٹریلیا کا ٹرپ بھی ارینج کیا تھا۔