عالمی اور مقامی مارکیٹ میں سونے کی قیمت میں دوسرے روز بھی بڑا اضافہ

کراچی: عالمی اور مقامی دونوں سطح پر سونے کی قیمت میں آج بھی نمایاں اضافہ دیکھنے میں آیا ہے۔

بین الاقوامی بلین مارکیٹ میں فی اونس سونا 36 ڈالر بڑھ کر 2623 ڈالر کی بلند ترین سطح پر پہنچ گیا ہے۔

مقامی صرافہ مارکیٹ میں بھی 24 قیراط کے فی تولہ سونے کی قیمت میں 3600 روپے کا بڑا اضافہ ریکارڈ کیا گیا، جس کے بعد یہ 273500 روپے کی سطح پر پہنچ گئی۔ فی 10 گرام سونا بھی 3086 روپے مہنگا ہو کر 234482 روپے کا ہو گیا ہے۔

دلچسپ بات یہ ہے کہ سونے کی قیمت میں اتنے بڑے اضافے کے باوجود چاندی کی قیمت مستحکم رہی۔ فی تولہ چاندی 3250 روپے اور فی 10 گرام چاندی 2786 روپے پر برقرار رہی۔

واضح رہے کہ ایک دن قبل بھی سونے کی عالمی قیمت میں 25 ڈالر فی اونس کا اضافہ ہوا تھا، جب کہ مقامی مارکیٹ میں سونا فی تولہ 2500 روپے اور فی 10 گرام 2144 روپے مہنگا ہوا تھا۔