Archive
مدینہ میں بھارتی اداکارہ ثناء سلطان کا نکاح: تصاویر وائرل
ہمارا یہ سفر محبت، صبر، اور ایمان کا غماز ہے، جہاں ہم دوست سے زندگی کے ساتھی بننے کی منزل تک پہنچے ہیں، ثنا سلطان
مدینہ :بھارتی اداکارہ اور سوشل میڈیا کی مشہور شخصیت ثناء سلطان نے اپنے زندگی کے نئے سفر کا آغاز کرتے ہوئے مدینہ منورہ میں اپنے ساتھی محمد واجد سے نکاح کیا۔
یہ ایک نجی تقریب تھی، جس کی جھلکیاں اداکارہ نے اپنے انسٹاگرام اکاؤنٹ پر شیئر کیں۔
View this post on Instagram
بگ باس او ٹی ٹی 3 کے ذریعے شہرت حاصل کرنے والی ثناء سلطان نے اپنی پوسٹ میں اپنی خوشی کا اظہار کرتے ہوئے لکھا:الحمدللہ، میں خوشی کے ساتھ یہ خبر شیئر کر رہی ہوں کہ مجھے مدینہ کی پاکیزہ اور مقدس سرزمین پر اپنے واجد جی کے ساتھ نکاح کرنے کا شرف حاصل ہوا۔
ثناء نے مزید کہا کہ ہمارا یہ سفر محبت، صبر، اور ایمان کا غماز ہے، جہاں ہم دوست سے زندگی کے ساتھی بننے کی منزل تک پہنچے ہیں۔ اداکارہ کے دوستوں اور مداحوں کی جانب سے انہیں محبت بھری مبارکبادیں موصول ہو رہی ہیں۔
