Archive
اعظم سواتی اٹک جیل سے رہائی کے بعد دوبارہ گرفتار
سواتی کے خلاف تھانہ ٹیکسلا اور حسن ابدال میں متعدد مقدمات درج ہیں، پولیس ذرائع
اسلام آباد: تحریک انصاف کے رہنما سابق وفاقی وزیر اعظم سواتی کو اٹک جیل سے رہائی کے بعد فوراً دوبارہ گرفتار کر لیا گیا۔
تفصیلات کے مطابق پولیس نے اعظم سواتی کو جیل سے رہا ہونے کے فوراً بعد اٹک جیل کے باہر ہی دوبارہ حراست میں لے لیا۔ پولیس ذرائع کے مطابق سواتی کے خلاف تھانہ ٹیکسلا اور حسن ابدال میں متعدد مقدمات درج ہیں۔
یاد رہے کہ اعظم سواتی کو پچھلے ماہ اسلام آباد میں احتجاج کے دوران گرفتار کیا گیا تھا اور بعد ازاں انہیں اٹک جیل منتقل کر دیا گیا تھا۔
واضح رہے کہ گزشتہ روز اسلام آباد کی انسداد دہشتگردی عدالت اور ضلعی عدالت نے سواتی کی درخواست ضمانت منظور کی تھی اور انہیں 8 مختلف مقدمات میں رہائی کا حکم دیا تھا۔
