صائمہ بلوچ نے ندا یاسر کے شو میں جانے سے انکارکی وجہ بتا دی
اس شو میں شرکت کے لیے کوئی معاوضہ پیش نہیں کیا گیا تھا، صائمہ بلوچ
لاہور : پاکستان کی معروف اداکارہ و ماڈل صائمہ بلوچ نے ندا یاسر کے مقبول ٹی وی شو میں شرکت سے انکار کردیا ہے۔ صائمہ بلوچ نے سوشل میڈیا پر اس انکار کی وجہ بتاتے ہوئے کہا کہ انہیں اس شو میں شرکت کے لیے کوئی معاوضہ پیش نہیں کیا گیا تھا۔
صائمہ بلوچ نے اپنے ایک انسٹاگرام لائیو سیشن میں بتایا کہ وہ حال ہی میں ایک نجی ٹی وی کے گیم شو میں بطور کھلاڑی حصہ لے چکی ہیں اور اس کے بعد ندا یاسر نے انہیں اپنے پروگرام میں مدعو کیا تھا۔ لیکن جب انہیں معلوم ہوا کہ انہیں اس کے عوض کوئی معاوضہ نہیں دیا جائے گا تو انہوں نے اس دعوت کو قبول کرنے سے انکار کردیا۔
صائمہ بلوچ نے کہا کہ میں سمجھتی ہوں کہ وقت پیسہ ہے۔ اگر میں کسی پروگرام میں شرکت کرتی ہوں تو مجھے اس کا معاوضہ ملنا چاہیے۔ انہوں نے مزید کہا کہ اگر یہ صرف پروموشن کے لیے تھا تو انہیں گیم شو کے فائنل میں بلانا چاہیے تھا۔
صائمہ بلوچ کے اس فیصلے نے سوشل میڈیا پر ایک نئی بحث کو جنم دیا ہے۔ بعض لوگ صائمہ بلوچ کی اس بات سے اتفاق کرتے ہیں کہ کسی بھی کام کے بدلے میں معاوضہ لینا ہر ایک کا حق ہے۔ دوسری جانب کچھ لوگ یہ بھی کہتے ہیں کہ صائمہ بلوچ کو اس معاملے کو اتنا بڑھا چڑھا کر پیش کرنے کی ضرورت نہیں تھی۔
