تحریک انصاف کے اراکین کو عمران خان سے ملاقات کی اجازت مل گئی

اسلام آباد:حکومت نے تحریک انصاف کے پانچ اراکین کو عمران خان سے ملاقات کی اجازت دے دی ہے۔

ذرائع کے مطابق تحریک انصاف نے 26ویں آئینی ترمیم کے حوالے سے مشاورت کے لیے عمران خان سے ملاقات کی درخواست کی تھی۔

ذرائع نے بتایا ہے کہ حکومت کی جانب سے تحریک انصاف کے پانچ افراد، جن میں بیرسٹر گوہر، علی ظفر، اسد قیصر، سلمان اکرم راجہ، اور صاحبزادہ حامد رضا شامل ہیں، کو ملاقات کی اجازت دی گئی ہے۔ ملاقات کے وقت کا تعین تحریک انصاف خود کرے گی، اور کسی بھی قسم کی تاخیر یا مؤخر کرنے کی ذمہ داری بھی تحریک انصاف پر ہوگی۔