عوام کیلئے خوشخبری: پٹرول اور ڈیزل کی قیمتوں میں کمی کا اعلان

اسلام آباد: وفاقی حکومت نے عوام کو بڑی خوشخبری دیتے ہوئے پیٹرولیم مصنوعات کی قیمتوں میں کمی کا اعلان کردیا ہے۔ نئی قیمتیں آج رات 12 بجے سے لاگو ہوں گی۔

حکومت نے پٹرول کی قیمت میں 2.07 روپے فی لیٹر کی کمی کی ہے جس کے بعد پٹرول کی نئی قیمت 247.03 روپے فی لیٹر ہو گئی ہے۔

اسی طرح ہائی اسپیڈ ڈیزل کی قیمت میں 3.40 روپے فی لیٹر کی کمی کی گئی ہے اور اب ڈیزل 246.29 روپے فی لیٹر میں دستیاب ہوگا۔

لائٹ ڈیزل کی قیمت میں بھی 1.03 روپے فی لیٹر کی کمی کی گئی ہے اور مٹی کے تیل کی قیمت میں 3.57 روپے فی لیٹر کی کمی کی گئی ہے۔

یہ فیصلہ عالمی مارکیٹ میں خام تیل کی قیمتوں میں کمی اور روپے کی قدر میں بہتری کے پیش نظر لیا گیا ہے۔ حکومت کا کہنا ہے کہ اس فیصلے سے عام آدمی کو بڑی ریلیف ملے گی اور مہنگائی میں کمی آئے گی۔

پیٹرولیم مصنوعات کی قیمتوں میں کمی کا مختلف شعبوں پر مثبت اثر پڑنے کا امکان ہے۔ اس سے ٹرانسپورٹ کے اخراجات کم ہوں گے، جس سے دیگر اشیاء کی قیمتوں میں بھی کمی آ سکتی ہے۔ صنعت و کاروبار کو بھی اس سے فائدہ ہوگا۔